All set na ang banwa sang Barotac Viejo, Iloilo para sa ika-49 nga tuig sang Taltal subong nga Semana Santa.
Sa interview sang Bombo Radyo kay Police Major Ciriaco Esquilarga, Chief of Police sang Barotac Viejo Municipal Police Station, iya ginpahayag nga antes pa man ang highlight sang Taltal, ginpaidalom sa maid-id nga practice ang tagsa ka mga karakter.
Suno kay Esquilarga, handa na ang katapo sang kapulisan para sa deployment nga ipatuman sa tion sang nasambit nga kahiwatan.
Ginpahayag man sini nga nagkoordinar naman sila sa mga barangay tanod agud nga mangin force multiplier sa kahiwatan.
Lakip man sa magabantay sa Taltal 2025 ang Barotac Viejo Disaster Risk Reduction and Management Office (MDRRMO), Bureau of Fire Protection (BFP), kag Rural Health Unit (RHU).
Nahibaluan nga tuig 1975 sang gin-umpisahan ang pagtaltal sa ila banwa nga isa na ka ‘long-standing tradition’ sa Barotac Viejo.
