Ginpakita sang Vatican ang itsura sang pantyon ni Pope Francis sa Basilica of St. Mary Major, ang Roman Basilica nga ginhingyo sang Santo Papa sa iya last will nga amo ang iya mangin katapusan nga palahuwayan.
Simple lamang ang lulubngan nga human sa materyales halin sa rehiyon sang Liguria sa Italya. May nakabutang sa pantyon nga pangalan nga “Franciscus” kag reproduction sang pectoral cross sang nagtaliwan nga 88-anyos nga Santo Papa.
Nahibaluan nga sa Cogorno sa Liguria region sa Italya nagdaku ang great grandfather ni Pope Francis nga si Vincenzo Sivori. Halin sa Italya, nagbyahe ini padulong sa Argentina sang 1800s kun sa diin nagdaku ang iya pamilya lakip na ang iya apo nga si Regina Maria Sivori nga amo ang iloy sang Santo Papa.
“The tomb is located near the Altar of St Francis, in the niche of the side nave between the Pauline Chapel (Salus Populi Romani Chapel) and the Sforza Chapel. Speaking on television, the co-Archpriest of the Basilica, Cardinal Rolandas Makrickas, announced Pope Francis’ desire to be buried in a tomb made from the “stone of Liguria, the land of his grandparents,” suno sa Vatican News.
Alas kuatro buwas sa hapon, oras sa Pilipinas, iga-lubong si Pope Francis.
