Wala pa nakahibalo ang National Basketball Association (NBA) superstar nga si LeBron James kun makabalik pa ini sa liga para sa iya ika-23 nga season.
Kahapon sang nadagdag na ang Lakers sa first round sang playoffs matapos nalutos sa kamot sang Minnesota Timberwolves sa Game 5, 103-96.
Pahayag sang basketball legend, pungkuan pa niya ang desisyon kaupod sa iya nga pamilya, kag padalman man sini kun ano kadugay pa ini magahampang.
“I don’t know,” sabat sini. “I don’t have the answer to that. (It’s) something I sit down with my family, my wife and my support group and kind of just talk through it and see what happens and just have a conversation with myself on how long I want to continue to play.”
40-anyos na si James kag may average nga 24.4 points, 7.8 rebounds kag 8.2 assists per game subong nga season.
Siya man ang all-time leader scorer sa liga kag una nga player sa maragtas sang NBA nga nakalapaw sa 50,000 career points. Naupdan man sini ang NBA icon nga si Michael Jordan sa record nga naka-skor sang 40 points sa edad nga 40-anyos.
Bisan sa bag-o nga mga record, ang pinaka-importante para kay James subong nga season amo nga naka-upod sini ang iya anak nga si Bronny sa court. Sila ang una nga father-son duo nga nakahampang sa regular season NBA game.
