Naglapaw na sa 400 ka reports ang nabaton sang Commission on Elections (Comelec) Committee on Kontra Bigay (CKB) kaangot sa baligyaanay kag baklanay sang boto amo man sa abuse of state resources (ASR).
Suno sa committee chairperson nga si Commissioner Ernesto Maceda Jr., sa 439 reports nga ila nabaton, 268 ang kaso sang vote-buying kag vote-selling, 130 naman ang nag-abuso sang resources sang gobyerno, kag 41 ang kumbinasyon gid sang duha ka mga kaso.
Ang kadam-an nga kaso sang vote-buying kag vote-selling ang naangot sa cash distribution, financial assistance, kag paghatag sang mga bagay-bagay sa mga tawo.
Ang mga rehiyon nga may pinakamataas nga record sang reklamo amo ang Calabarzon, Cagayan Valley, Metro Manila, Bicol Region, Mimaropa, kag Ilocos Region.
Matandaan nga sang Pebrero sang ginlunsar liwat sang Comelec ang Kontra-Bigay committee agud nga matapna ini nga mga kaso samtang nagahilapit ang eleksyon.
Nag-partner man ini sa e-wallet applications kaangay sang GCash kag Paymaya agud nga ma-address ang vote-buying nga ginahimo naman paagi sa digital transactions.
