Balantayan 8:30 subong nga aga oras sa Pilipinas ang Game 6 sa tunga sang Denver Nuggets kag Oklahoma City Thunder sa Western Conference Semifinals.
Gamiton sang Nuggets ang home court advantage sa sini nga hampang sa Ball Arena sa Denver, Colorado, United States.
Pareho nga available nga maghampang ang superstars sang magtimbang nga bahin kag MVP front-runners nga sanday Shai Gilgeous-Alexander kag Nikola Jokic.
Abanse subong ang Thunder sa serye, 3-2, nga nagabutang kay Jokic kag Nuggets sa alang-alang nga sitwasyon ilabi na bangud duha sa ila players ang injured nga amo sanday DaRon Holmes II kag Hunter Tyson.
Sa pihak nga bahin, yara naman sa injury list sa OKC si Nikola Topic.
