Ginbawian na sang kabuhi ang isa ka Israeli nga babaye makaligad ang 19 ka bulan humalin sang ginpatay sang mga militante nga Hamas ang iya pamilya sadtong Oktubre 7,2023.
Si Tamar Kutz ang napatay sa edad nga 70 sa sulod sang iya apartment sa Kibbutz Kfar Aza, Israel.
Sa amo nga lugar, 64 ang ginpamatay sang Hamas kun sa diin nalakip diri ang iya anak nga lalaki, asawa sini kag tatlo nila ka kabataan.
Sa amo nga masaker, patay ang iya anak nga si Aviv, 53, iya asawa nga si Livnat, 49, ang ila 18-anyos nga anak nga babaye nga si Rotem, kag mga anak nga lalaki nga sanday Yonatan, 16, kag Yiftach, 14.
Sila ang nasapwan nga patay sa ila balay samtang nagakup-anay ang mga ini.
Nahibaluan nga humalin sang nagkalamatay ang himata ni Tamar, adlaw-adlaw na lang ini nga nagakalisod kag kaangay nga wala na sang gana sa kabuhi tubtob nga ginbawian ini sang kabuhi sang damlag lang.
