Madumduman nga ginmanduan sang korte ang prosekusyon nga tapuson ang pag-disclose sang arrest warrant materials nga may kahilabtanan sa mga testigo antes mag-abot ang Hulyo 1.
Ginpahibalo man nga sa Hunyo 16 ang deadline para sa Prosekusyon nga magsumiter sang mga aplikasyon para sa pag-redact sang kinahanglanon sang mga testigo ukon indi pagpagwa sang bug-os nga mga ebidensiya.
Amo man ini ang deadline para sa Victims and Witness Unit nga magsumiter sang ila mga obserbasyon sa nasambit nga aplikasyon.
Samtang, sa Hunyo 20 ginplano nga deadline para sa pagsumiter sang mga sabat ukon tugon sa tanan nga submissions nga nalakipan sang mga ginpahayag nga application.
