Natalana nga panubuon na naman sang Department of Agriculture (DA) ang maximum suggested retail price (MSRP) para sa imported rice umpisa sa Hulyo.
Ini ang sunod sa direktiba ni President Ferdinand Marcos Jr. nga magpadayon sang pagpangita sang paagi agud nga mabuhinan ang palas-anon sang Filipino consumers.
Suno kay Agriculture Secretary Francisco P. Tiu Laurel Jr., mahimo nga i-implementar ang P43 kada kilo nga MSRP umpisa sa Hulyo 1.
Halin ini sa ginapatuman subong nga P45 kada kilo.
Matandaan nga una nga ginpatuman ini nga tikang sang Enero kun sa diin nagsugod ang MSRP sa P58 kada kilo tubtub nga nag-us-os pa sa P45 kada kilo sang Marso 31.
Nagalaum man si Secretary Tiu Laurel sang kaangay man nga adjustments sa presyo sang bugas sa idalom sang Rice-for-All program.
