Nagahanda ang Department of Agriculture sang “scientific” kag location-specific approach agud nga mapahagan-hagan ang epekto sang ginalauman nga Super El Niño sa mga mangunguma kag manugpangisda.
Kabahin sa mga lugar nga maapektuhan amo ang Ilocos Region, Cagayan Valley kag Western Visayas.
Suno sa ahensya, sa mga lugar nga indi tuman nga maapektuhan, pabaskuron sang ahensya produksyon, dala na diri ang fertilizer, fuel assistance kag iban pa nga agricultural inputs.
May ara sang P6.2 bilyon nga ginpain para sa mga fertilizer kag fuel assistance sa idalom sang UPLIFT program.
Nagdugang naman ang ahensya sang P3.5 bilyon para sa solar irrigation projects.
Nahibaluan nga ginalauman nga magadugay ang El Niño tubtob Marso ukon Hunyo sa masunod nga tuig kag possible nga magalab-ot sa 40 ka probinsya ang maapektuhan sang dry spell kag drought.
