Gin-aprubahan sang House of Representatives ang report sang Committee on Good Government and Public Accountability nga nagarekomenda sang mga kaso batok kay Vice President Sara Duterte nga may kaangtanan sa alegasyon sang pag-usar sang pondo nga wala naga-agi sa insakto nga proseso.
Suno sa report, ginrekomendar sang komitiba nga pasakaan si Duterte sang mga kaso nga may kaangtanan sa technical malversation, perjury, bribery, kag plunder, bangud sang ginatudlo nga pag-abuso sa confidential funds sang Office of the Vice President (OVP) kag Department of Education (DepEd) sa tuig 2022 tubtub 2023.
Suno kay Manila Representative Joel Chua, nga amo man ang chairman sang komitiba, si Duterte ang labing una bise president nga nag-request sang sobra-sobra nga confidential funds kumparar sa mga nagliligad nga bise presidente.
Ginpatpat man ni Chua nga may apat ka isyu nga ginlantaw sang komitiba nga ginalakipang sang Obstruction of inquiry, Pag-abuso sa confidential funds, interference and bribery, kag systemic flaws in the Joint Circular 2015-01.
Dugang pa, ginrekomendar man sang komitiba ang pagpangatubang sang criminal, civil, kag administrative cases batok sa iban pa nga opisyal nga nalakip sa isyu.
Lakip diri ang mga kaso sang technical malversation, falsification, paggamit sang peke nga dokumento, perjury, bribery, corruption, plunder, betrayal of public trust, kag violation sang Konstitusyon.
