Wala sang ginhatag nga anuman nga excuse ang Oklahoma City Thunder sa ila pigado nga performance sa Game 6 sang NBA Finals batok sa Indiana Pacers.
Sa hampang kahapon, madamo ang naglaum nga madala na pauli sang Thunder ang kampyonato ilabi na bangud sa injury nga naangkon ni Tyrese Haliburton sa Game 5. Apang nagtakop ang sambuwa sa 108-91 pabor sa Indiana nga amo man ang nagpatas sa serye sa 3-3.
Suno kay Thunder superstar Shai Gilgeous-Alexander, kinahanglan nila nga matun-an ang leksyon sa amo nga hampang. Gin-ako man sini nga wala gid siya naghalong kag nakulangan sang focus rason nga siya ang nakahimo sang walo sa 21 turnovers sang Oklahoma.
“The way I see it is we sucked tonight,” suno sa Thunder MVP. “We need to learn the lessons, and we have one game for everything we worked for, and so do they. The better team Sunday will win.”
Suno naman sa forward nga si Jalen Williams, indi maayo ang ila depensa. Daw nagguwa suno sa iya nga wala sila sang salig sa isa kag isa — indi kaangay sang ila maayo nga hampang sa nagligad nga game.
“Our defense wasn’t very good. When you’re constantly taking the ball out and you’re playing against a set defense over and over again, that’s part of it. Other part, we didn’t do a good job trusting each other to make the next play like we did Game 5,” pahayag sini.
Mangin si Thunder coach Mark Daigneault ang nag-ako man nga dismayado sila apang nakahibalo nga madamo sang kinahanglan i-adjust para sa Game 7.
Kahapon sa fourth quarter, sang may 30-puntos nga abanse ang Pacers, ginpapahuway na si Gilgeous-Alexander kag ang iban pa nga Thunder starters bilang preparasyon na sa final game.
Matabo ang winner-takes-all Game 7 sa Lunes, 8:00 sang aga oras sa Pilipinas. Patigayunon ini sa home court sang Thunder sa Paycom Center.
Ini man ang una nga NBA Finals halin sang 2016 nga nakalab-ot sa Game 7 ang duha ka magkasumpong nga teams.
