Temporaryo nga gin-suspend sang Constitutional Court sang Thailand si Prime Minister Paetongtarn Shinawatra kadungan sang kaso nga nagaduso sa pagpahalin sa iya.
Ginbaton sang korte ang petition nagikan sa 36 ka mga senador nga nag-akusar kay Paetongtarn sang pagbinutig kag pag-breach sang ethical standards nga paglapas sa konstitusyon nga may kaangtanan sa pag-leak sang politically sensitive telephone conversation sa anay lider sang Cambodia nga si Hun Sen.
Ang kontrobersyal nga telephone conversation ang natabo sang Hunyo 15, kun sa diin ginpakita ni Paetongtarn ang pagka-mapainubuson kay Hun Sen kag gin-kwestyon ang isa ka Thai army commander nga isa ka sensitibo nga isyu sa pungsod nga may daku nga impluwensya ang militar.
Maga-take over naman si Deputy Prime Minister Suriya Juangroongruangkit bilang caretaker samtang ginadesisyonan sang korte ang kaso batok kay Paetongtarn.
Ginhatagan siya sang 15 ka adlaw nga magsabat kag magapabilin sa cabinet bilang bag-o nga culture minister kasunod sang reshuffling.
Nagpangayo naman ini sang pasaylo kag ginsiling man sini nga taktika lang ini sa negosasyon.
