Nagsaka na sa 38 ang numero sang mga napatay sang nagkulob ang isa ka tourist boat sa Ha Long Bay sa Vietnam.
Ginabulubanta nga 48 ka turista ang sakay sang amo nga sakayang pandagat lakip na ang lima ka mga crew members.
Suno sa gobyerno sang Vietnam, kalabanan sa mga sakay amo ang mga Vietnamese, lakip na ang pila ka kabataan.
Gilayon man ginpadala ang mga rescuers, lakip na ang mga border guards, navy personnel, police, kag mga professional divers para magbulig sa rescue operation apisar pa nga limitado ang visibility bangud sa malain nga panahon.
Ginkumpirmar sang otoridad nga pulo lang ka mga indibidwal ang nakaluwas sa amo nga insidente.
