Nagkulob sa kadagatan nga sakop sang Balesin Island, Polillo, Quezon ang isa ka sakayan nga may karga nga 23 ka mga tawo.
Suno sa impormasyon, nakisakay lang ang mga residente sang isla pakadto sa Atimonan kag Mauban bangud wala sang biyahe sang pumpboat sang amo nga tion.
Nadulaan sang balanse ang sakayan gani nagkulob ini.
Madasig naman nga nakapatigayon sang rescue operation ang Bantay Dagat rason nga naluwas ang tanan nga pasahero.
Ginpadal-an naman sang Enforcement Inspection Apprehension Report sang Philippine Coast Guard (PCG) ang kapitan sang sakayan bangud sa paglayag nga wala sang clearance halin sa ahensya kag pagpasakay sang mga indi otorisado nga pasahero.
