Nagsaka ang pwesto sang Gilas Pilipinas samtang nga nagahilapit ang pag-umpisa sang FIBA Asia Cup 2025 sa Jeddah, Saudi Arabia.
Halin sa ika-walo nga pwesto, nagapang-anum na subong ang national team base sa ginlista sang FIBA sa latest Asia Cup Power Rankings.
16 ka teams ang yara sa tournament.
Ang paglukso sang Gilas ang kasunod man sang duha ka sunod-sunod nga kadalag-an sini sa tune-up games nga amo ang hampang batok sa Macau kag mangin sa Jordan nga semifinalist sa FIBA Asia Cup sang 2022.
Suno pa sa rankings, nagapakita ini nga yara sa porma ang Gilas kag bisan wala si Kai Sotto, delikado gihapon sila nga kasumpong.
Nagapabilin naman sa numero uno nga pwesto ang Australia samtang nagasunod ang Japan.
2:00 buwas sa kaagahon (oras sa Pilipinas) ang imbukada nga hampang sang Gilas sa group stage batok sa Chinese Taipei. Matabo naman sa Huwebes, 11:00 sa gab-i ang rematch vs. New Zealand kag ang katapusan nga hampang sa group stage sa Sabado, 4:00 sa hapon.
