Ginkumpirma ni Gilas Pilipinas head coach Tim Cone nga indi na makaupod si Rhenz Abando sa national team para sa fifth window sang FIBA World Cup Asian Qualifiers bangud sa ankle injury.
Naangkon ni Abando ang injury sa hampang sang Anyang Jung Kwan Jang Red Boosters kontra Busan KCC Egis sang Huwebes nga gab-i.
“To our great sorrow, Rhenz won’t make it for the Window. He was excited, we were excited. Sayang,” suno sa coach.
Dapat kuntani nga makabalik si Abando sa Philippine team sa una nga tion halin sang naghampang ini sa 2023 FIBA Basketball World Cup.
Suno pa kay Cone, si Troy Rosario ang mangin bulos kay Abando kag magakompleto sa 12-man roster sang Nationals.
Ginalantaw nga daku ang mabulig ni Rosario sa team bangud sa iya versatility kag pamilyar na ini sa sistema sang team.
Sa statement sang Samahang Basketbol ng Pilipinas (SBP), ginpahibalo man nga indi na makaupod si Abando sa Window 5, kag ginkumpirma ang pagbulos ni Rosario.
“The SBP wishes Rhenz Abando all the best with his recovery and thanks Troy Rosario for his continued commitment to the program,” pahayag sang SBP.













