Magasaka ang presyo sang karne sang baboy sa palaabuton nga “ber” months.
Suno sa Pork Producers Federation of the Philippines, halin sa average farm-gate price nga P190 per kilo, posible magtaas ang farmgate price sang local pork sa P230 per kilo.
Bangud sini, posible magtupa ang retail price sa P350 per kilo.
“‘Ber’ months na, of course, tataas na ulit ang mamimili ng local [pork] so expected na tataas na rin ang farm-gate price,” suno kay Eric Harina, president sang grupo.
Ginaangot gihapon ang mahina nga produksyon sang karne sang baboy sa padayon nga mga kaso sang African Swine Fever. Ginahulat man gihapon sang industriya ang commercial availability sang bakuna batok sa sini nga balatian sa baboy.
