Ginkumpirma ni Commission on Elections (Comelec) chairman George Erwin Garcia nga iga-proklamar sang poll body ang Gabriela party-list 1st nominee nga si Sarah Elago bilang ika-64 nga nagdaog nga party-list representative sa ginpatigayon nga 2025 elections.
Suno kay Garcia, isa ini ka pagsunod sa constitutional requirement nga dapat ang party-list representatives ang maga-comprise sang 20 percent sang membership sang Kamara.
Suno kay Garcia, posible nga sa Huwebes himuon ang opisyal nga proklamasyon sa bag-o nga kongresista.
Kasunod ini sang pagbasura sang Comelec en banc sa apelar sang Duterte Youth Partylist nga baliskadon ang desisyon sang second division nga i-reject ang ila nga registration bangud sa kapaslawan sa publication kag hearing sa accreditation.
Ini ang pareho nga gina-require sang Konstitusyon kag sang Comelec.
Ang Duterte party-list amo kuntani ang ikaduha sa 2025 midterm elections nga nakakuha sang masobra 2,338,500 votes.
Una na nga ginpahayag ni Garcia nga mangin final and executory ang ruling sang poll body 30 ka adlaw matapos ang promulgasyon kun wala sang restraining order nga ipaguwa ang Supreme Court.#
