Arestado ang isa ka bag-uhanon nga pulis matapos ginreklamo nga nagpalupok ini sang pusil sa atubang sang isa ka resto bar sa Cubao, Quezon City.
Ang nadakpan amo si alyas “Nolly”, 25-anyos, residente sang amo nga lugar kag assigned sa Headquarters Support Service, Camp Rafael T. Crame.
Base sa imbestigasyon, nagsulod sa resto bar ang pulis kag ginbilin man sa bouncer ang iya pusil apang sang naggwa na, ginkuha niya ang iya service firearm kag nagpalupok sang duwa ka beses.
Gilayon nga nagpangayo sang bulig ang restobar.
Pag-abot sang mga pulis, nakuha sa suspek ang iya pusil kag mga bala.
Nagapangatubang ini sang reklamo nga paglapas sa Art. 254 sang Rvised Penal Code (Illegal Discharge of Firearm).
