Maga-perform sa Roma ang Filipino P-pop supergroup nga SB19.
Patigayunon ini sa Spazio Atlantico sa Rome, Italy sa Oktubre 12 para sa “Sama sa Roma” event nga kabahin sang selebrasyon sang 2025 bilang Jubilee Year sa Catholic Church.
Ang nag-organisar sang Sama sa Roma amo ang Simbayanan (Simbahan, Bayan, kag Bayanihan) nga ginakabig nga multisectoral representation sang simbahan, gobyerno, kag pribado nga sector agud nga mapabakod pa ang identity sang mga Pilipino sa bilog nga kalibutan.
Libre ang admission para sa una nga 1,700 nga magparehistro sa event. Suno sa SB19, “No registration, no entry.”
Una na nga gin-anunsyo sang grupo nga indi madayon ang Riyadh leg sang ila nga “Simula at Wakas” tour bangud sa ‘unforeseen circumstances’
Ang SB19 ang ginabug-usan nanday Pablo, Josh, Stell, Ken, kag Justin.
Lakip sa ila ginpasikat nga kanta amo ang “Mapa,” “Gento,” “Dam,” “Dungka” kag iban pa.
Iga-selebrar sang grupo ang ila nga anibersaryo sa October 26 paagi sa “Fast Zone,” isa ka fashion music event kaupod sa Filipino designer nga si Francis Libiran.
