Victims’ counsel, naghingyo sa ICC nga ibasura ang appeal ni Duterte para sa interim release

Naghingyo ang Office of the Public Counsel for Victims (OPCV) sa International Criminal Court (ICC) Appeals Chamber nga ibasura ang apelar ni former president Rodrigo Duterte nga ma-release ini sa detention.

Sa 20-ka-pahina nga request nga gin-file kahapon, Oktubre 28, ginsiling sang counsel nga wala nagasanto ang depensa ni Duterte sa “factual findings” nga naga-justify sang detention kaangay sang flight risk, obstruction potential, kag risgo nga maghimo ini sang dugang nga krimen.

Gindugang sang legal representative nga napaslawan ang defense team nga mapamatud-an nga may sala ang korte sa padayon nga pag-detain kay Duterte.

“The detention of Mr. Duterte remains necessary and proportionate in light of the circumstances,” suno sa OPCV.

Marso 11 sang gindala si Duterte sa detention facility sang ICC sa The Hague, Netherlands.

Matandaan nga sang Septyembre 26, ginbasura sang ICC Pre-Trial Chamber I ang request ni Duterte para sa interim release.

Nag-file naman ang defense team sang appeal sang October 14.#