Nagluntad ang isa ka vehicular accident subong lamang nga aga sa Brgy. Jaguimitan, Passi City, Iloilo kun sa diin involved ang isa ka dump truck kag motorsiklo nga may duha ka sakay nga lunsay mga estudyante.
Sandig sa impormasyon nga nakuha sang Bombo Radyo, nagasundanay ang motorsiklo kag dump truck sa dulhugon nga parte sang dalan.
Suno sa mga nakasaksi, nagbahar ang motorsiklo sa lubakon nga parte sang dalan kun sa diin posible nga wala nakapreno ang nagasunod nga dump truck kag nabungguan kag ginlapak sini ang motorsiklo.
Gilayon man gindala ang duha ka biktima sa hospital agud dapatan sang nagakaigo nga pagbulong.
Sa subong, padayon pa ang imbestigyason sang mga otoridad sa nasambit nga aksidente.
