Nagaplano ang Department of Agriculture (DA) nga mag-implementar sang maximum suggested retail price (MSRP) para sa red onion kag sa karne sang baboy.
Suno kay Agriculture Secretary Francisco Tiu Laurel Jr., madamo sang imports sa pula nga sibuyas apang wala gihapon naganubo ang presyo sa mga mercado.
“This means somebody is taking advantage and I have a suspicion it’s the retailers,” suno sa tiglikom.
Sa inisyal nga plano, P120 kada kilo ang MSRP. Gina-evaluate pa subong ang plano, apang posible nga ipatuman na ini sa masunod nga semana.
Sa karne naman sang baboy, importante ang MSRP suno sa iya bangud tuman ka nubo ang farmgate price sang baboy kag nagakapierde ang farmers.
Makig-istorya anay ang DA sa mga retailer antes ang implementasyon.#
 para sa red onion kag sa karne sang baboy.){kind=link}