Pormal nga nagpakita sang suporta ang 16 ka mga senador para sa pagtukod sang Independent People’s Commission (IPC) nga amo ang mahimo magbulos sa Independent Commission on Infrastructure (ICI).
Ini nga Senate Bill 1512 amo ang substitute measure para sa SB 1215 nga gin-file ni Senate President Vicente “Tito” Sotto III.
Base sa committee report ni Senator Francis “Kiko” Pangilinan, sponsor kag co-author sang hagna, ang mga senador nga nagpirma amo sanday:
Senate President Vicente “Tito” Sotto III
Senate President Pro Tempore Panfilo Lacson
Senate Majority Leader Juan Miguel Zubiri
Sen. Francis Pangilinan
Sen. Win Gatchalian
Sen. Bong Go
Sen. Pia Cayetano
Sen. Jinggoy Estrada
Sen. JV Ejercito
Sen. Mark Villar
Sen. Erwin Tulfo
Sen. Loren Legarda
Sen. Risa Hontiveros
Sen. Bam Aquino
Sen. Joel Villanueva
Sen. Robin Padilla
Ang mga wala naman nagpirma amo sanday Senate Minority Leader Alan Peter Cayetano, Sen. Francis “Chiz” Escudero, Sen. Rodante Marcoleta, Sen. Raffy Tufo, Sen. Lito Lapid, Sen. Camille Villar, Sen. Imee Marcos, kag Sen. Ronald “Bato” dela Rosa.
Pila sa mga wala nagpirma sa committee report amo ang wala nakatambong sa plenaryo sang Senado sang ginpalibot ini agud pirmahan.
Pahayag ni Pangilinan, hatagan sang gahum ang IPC nga magdagdag sang subpoena, mag-freeze sang assets, mag-contempt sang indibidwal kag mga entity, magkanselar sang professional licenses, mag-grant sang witness immunity kag protection, magpaguwa sang lookout orders, kag iban pa.
Mahimo man ini makapaguwa sang order sang immediate preventive suspension (subject to constitutional limitation) sang government officials nga gina-imbestigaran.
Matandaan nga ang ICI nga amo subong ang nagahulag sa imbestigasyon sa flood control amo ang gintukod ni President Ferdinand Marcos Jr. paagi sa Executive Order 94 sang Septyembre.
Pananglitan matukod naman ang IPC, magalawig ang mandato sini tubtub sa Hulyo 30, 2028 magluwas lang kun palawigon ini paagi sa gahum sang layi.#
