Napuhag man sang bomb threat ang West Visayas State University (WVSU) Calinog Campus subong nga aga.
Sandig sa official statement sang eskwelahan, ginsuspinde anay ang face-to-face classes kag temporaryo nga maga-shift sa mediated instruction “until further notice.”
Magluwas diri, gin-suspend man ang trabaho para sa tanan nga staff kag administrative personnel.
“The Calinog PNP is currently on site conducting inspection and ensuring the security of the campus community. Everyone is advised to stay alert and remain safe,” base sa statement sang unibersidad.
Ini na ang ikatatlo nga campus sang WVSU nga ginpadal-an sang mensahe nga may bomba.
Sang nagligad nga semana, may bomb threat man sa Janiuay campus, kag subong gid lamang nga aga, gin-suspend man ang klase sa main campus sa La Paz, Iloilo City bangud sa nabaton nga kaangay man nga pamahog.
 Calinog Campus subong nga aga, Nobyembre 17.){kind=link}