Ginklaro sang Malacañang nga indi pagsapakon ni President Ferdinand Marcos Jr. ang mga panawagan sang pila ka “destabilizers” nga magpaidalom ini sa hair follicle test.
Nagguwa liwat ang mga panawagan para sa amo nga test matapos ang speech ni Senator Imee Marcos sa rally sang Iglesia Ni Cristo (INC) kun sa diin gin-akusaran sini si Bongbong kag ang First Family nga nagagamit sang iligal nga droga.
Sabat naman ni Communications Undersecretary Claire Castro, madugay na nakapaidalom sa drug test ang presidente, kag nalimpyuhan na ang pangalan sini sa mga alegasyon nga nagagamit siya sang illegal drugs.
“Matagal na po itong naresolba. Uulit-ulitin ko, paulit-ulit, ang Pangulo po ay malinis,” suno kay Castro.
“Ang Pangulo po ay hindi magpapadala sa anumang pag-uudyok: pag-uudyok ng mga destabilizers, pag-uudyok ng mga obstructionists na walang gagawin kundi magbigay ng mga kondisyon, magbigay ng pag-uutos sa Pangulo kahit hindi na po ito naaayon sa kaniyang pagtatrabaho,” dugang sini.
“Uulitin natin, paulit-ulit, uulit-ulitin natin, hindi po tayo magpapadala kung ano ang sinasabi ng mga maiingay.”
Matandaan nga sang 2021, ginhangkat ang presidential candidates nga pamatud-an nga wala sila nagagamit sang iligal nga droga. Nagpresentar si Marcos sang negative drug test result nagikan sa St. Luke’s Medical Center.
Madamo ugaling ang nagkwestyon sa test result ni Marcos nga halin sa isa ka pribado nga ospital indi kaangay sa iban nga kandidato nga nagpaidalom sa test sa Philippine Drug Enforcement Agency (PDEA).
