Ginpamalabagan sang National Union of Peoples’ Lawyers (NUPL) ang paglubong kay anay Senate President Juan Ponce Enrile sa Libingan ng mga Bayani sa Fort Bonifacio, Taguig City.
Sa isa ka statement, ginsiling sang grupo sa mga human rights lawyers nga ang paglubong kay Enrile sa Libingan ng mga Bayani amo ang pagbalewala sang mga halit nga ginbilin sang martial law.
Para sa grupo, ang amo nga tikang ang seryoso nga pagtiko sang maragtason nga pahadumdom sa pareho sang rebisyonismo sang ginlubong si anay Pres. Ferdinand Marcos Sr. sa pareho nga sementeryo sang 2016.
Ginpanindugan sang grupo nga ang Libingan ng mga Bayani ang indi lulubngan para sa mga nagguba sang domokrasya ukon nagapanguna sa sistematiko nga pag-abuso, kundi ginhimo ini para sa mga nangin inspirasyon kag maayo nga halimbawa nga wala kanday Marcos Sr. kag Enrile.
Suno sa grupo, si Enrile nga nagserbe bilang defense minister sa idalom sang Marcos Se. ang siya nanguna sa sentro sang martial law, kaangay sang lapnagon nga pag-aresto, pagpriso, torture, pagkadula sang mga indibidwal, media shutdowns, kag pagpuhag sang mga sibili.
Subong nga adlaw, ginpatigayonh ang necrological service para kay Enrile sa Senado bilang anay Senate President.
