Nangin madinalag-on ang ginpatigayon sang Department of the Interior and Local Government (DILG) Region 6 nga NEO PLUS Program: Transformative Leadership for Elevated Governance – Refresher Course.
Ini para sa mga reelected local officials sa bug-os nga rehiyon.
Sa interview sang Bombo Radyo Lambunao Vice Mayor Arvin Losaria nga nagaserbe nga interim national chairman sang Vice Mayors’ League of the Philippines, iya ginpahayag nga mayor nga katuyuan sang kahiwatan amo nga mapasangkad pa ang ihibalo sang mga opisyal sa ila katungdanan sa ila pumuluyo.
Isa sa mga speakers amo Si Ronald R. Barcena nga nag-highlight sang balor sang efficient local legislatures paagi sa pagtudlo tuhoy sa parliamentary rules, quasi-judicial functions, kag procedural aspects sang local legislation.
Gintalakay naman ni Jerome Rojo-Eslabra ang transformative leadership in action agud engganyuhon ang mga opisyal nga hatagan sang madalom nga kahulugan ang ila posisyon.
Suno pa kay Losaria, ini nagamarka sang padayon nga pagtinguha sang mga opisyal nga mas dedikaran ang ila serbisyo agud madul-ong ang pinakamaayo nga panghimanwa kag pagpamuno.
 Region 6 nga Refresher Course.){kind=link}