Nakabaton ang Independent Commission for Infrastructure (ICI) sang 48 ka mga karton sang dokumento nga kabahin sa mga anomalya sa flood control projects.
Suno sa pahayag sang ICI, ang mga dokumento gin-turn over sang Philippine National Police (PNP) nga kabahin sang “collaborative efforts” sang mga ahensya sang gobyerno sa pag-imbestigar sang irregularidad sa flood control projects.
Ang dokumento nagalakip sang 11 ka reports sa flood control projects sa Masinloc, Zambales; San Agustin, Romblon; San Jose, Occidental Mindoro; Noveleta, Cavite; kag Rodriguez, Rizal, samtang may tatlo ka project reports para sa Imus kag General Trias sa Cavite.
Nakabaton man ang ICI sang duha ka complaint affidavits gikan sa pribado nga mga tawo natuhoy sa kahimtangan sang flood control kag iban pa nga public works projects sa 2nd District sang Surigao del Norte.
Samtang, sang ginpatigayon na ang virtual meeting sang Technical Working Group (TWG) sang ICI gin-postpone bangud kulang sa quorum, kay pito lang sa 23 ka member-agencies ang available.
