Ginbawian gid sang kabuhi ang driver sang tricycle matapos nga mapit-alan sang Isuzu elf nga natumba sa national highway sa Maddarulog, Enrile, Cagayan.
Base sa imbestigasyon, hinali lang nga naglikaw ang elf sa tigulang nga nagatabok sa karsada kag natumba gid ini tubtob nga nalab-ot ang tricycle nga may sakay nga duha ka tawo.
Napit-alan ang driver sang triycle kag bangud sa ulo gid ang igo, wala na ini makaluwas.
Nalab-ot man ang tigulang kag nag-angkon sang pilas sa lawas.
Nahibaluan nga ang elf ang naga-deliver sang tilapia kag halin ini sa Baggao kag pabalik na kuntani sa Ifugao.
