Pagamarkahan sang Bombo BOMBO RADYO PHILIPPINES ang anom ka dekada nga pagpangibabaw sa patag sang pagwaragwag paagi sa liwat nga pagpatigayon sang Top Level Management Conference umpisa Enero 5 tubtob 11, 2026, nga may tema nga “Bombo Radyo Philippines: Celebrating 60 Years of Media Excellence.”
Pangunahan sang Chairman nga si Dr. Rogelio M. Florete kag network President kag Chief Executive Officer Margaret Ruth C. Florete, ang conference magatipon sang tanan nga station managers kag senior officers gikan sa 25 key areas sang Bombo Radyo Philippines network sa Iloilo City.
Ang week-long gathering magasentro sa strategic planning kag direction-setting samtang nagahulag ang network padulong sa makabig nga milestone sang pag-eksister sini.
Ang mga diskusyon ang magasentro sa inobasyon, public service, kag padayon nga commitment sa masaligan, responsable kag public service–oriented broadcasting.
Bilang kabahin sang ika- 60 nga anniversary celebration, ginapabugal gid sang Bombo Radyo Philippines ang malawig nga listahan sang prestihiyoso nga awards nga nagakilala sa kasampat sang Bombo Radyo sa patag sang pagdul-ong sang balita, public affairs programming, kag public service broadcasting.
Pila sa mga achievements nagalakip sang pagdaug sang flagship nationwide program sang network nga Bombo Network News nga back-to-back winner sang Catholic Mass Media Awards (CMMA) bilang Best News Program para sa 2024 kag 2025.
Ang FM counterpart sini nga Star FM ang ginkilala naman nga Best Entertainment Program sa sulod sang tatlo ka sunod-sunod nga tuig halin 2023 tubtob 2025.
Samtang, ang Bombo Radyo Iloilo, ang flagship station sang network, ang ginkilala bilang Best AM Station (Provincial) kag Best News Program (Provincial) ang Bombo News and Views Morning Edition sa 28th Golden Dove Awards (2025) sang Kapisanan ng mga Brodkaster sa Pilipinas (KBP).
Magluwas sa sini nga mga awards, nagapamatuod man ang resulta sang independent surveys tuhoy sa kredibilidad sang network kag ang pagsalig sang publiko.
Ang Bombo Radyo nangibabaw bilang Most Trusted News and Information Source sa Radio category sa Philippine Information Agency National Survey on Media and Information Literacy of Filipino Youth (November 2024).
Ginkilala man ini sang OCTA Research (December 2024) bilang leading radio source sang news and information sa mga Filipino adults, kag nalakip man sa top rank sa quarterly Pahayag Survey sang Publicus Asia, Inc. sa idalom sang Most Trusted Media Outlets in the Radio category.
Ini nga mga pasidungog ang repleksyon sang dedikasyon sang Bombo Radyo Philippines sa pagtib-ong sang pinakamataas nga standards sang broadcast journalism.
Ang conference nagapamatuod man sang legasiya sang Bombo Radyo Philippines bilang leading radio network sa pungsod, nga naga- operate sang 32 fully digitalized AM kag FM stations nationwide, kag nagaserbe nga simbolo sang hugot sa tagipusuon nga pagpahayag sang pagpasalamat sa publiko. Bangud sa inyo, ang Bombo Radyo padayon sa pagtib-ong sang EXCELLENCE in BROADCASTING kag pag-dul-ong sang balita kag serbisyo publiko sa indi matupungan nga performance.
Basta Radyo, BOMBO!
