Ginakonsiderar bilang “no.1 most wanted” sa Pilipinas ang negosyante nga si Atong Ang.
Suno ini kay Department of Interior and Local Government (DILG) Secretary Jonvic Remulla. Pahayag sang tiglikom, akusado si Ang sa pagpatay sa masobra 100 ka missing nga sabungeros kag makabig ini nga “armed and dangerous.”
“Kasama po si Atong Ang siguro maituturing natin na number one most wanted sa buong Pilipinas ngayon. He’s accused of killing over 100 missing sabungeros and he is considered armed and dangerous,” suno kay Remulla.
Pahayag pa sini, sandig sa intelligence reports, nagabyahe si Ang nga may (at least) 20 ka mga bodyguard apisar nga ginkanselar na ang lisensya sang iya armas.
“Si Atong po ay bumibiyahe nang hindi kumukulang ng 20 ang bodyguard lagi. Sanay po ‘yan sa marahas na pagharap sa mga awtoridad. Sanay po ‘yan sa marahas na paraan para masolusyonan ang kanyang mga problema,” dugang pa niya.
Bangud sini suno sa DILG chief, himuon sang law enforcers ang tanan nga legal nga pamaagi agud nga maaresto ang nasambit nga negosyante. Pahayag sini, 320,000 ka mga myembro sang PNP ang magapangita sa bilog nga Pilipinas. Ginpasalig man sini nga wala sang matabo nga extrajudicial killings.
“Ang buong 320,000 members ng PNP ay hahanapin siya sa buong Pilipinas. At lahat ng paraan na kailangan gawin para kunin siya ay gagawin namin. Pero, may garantiya kami na walang EJK,” suno sa iya. “Mag-iingat lang ang ating mga kawal na hindi sila masaktan sa pagkuha kay Atong Ang.”
Nagtanyag man ang ahensya sang P10-million nga padya para nga madakpan si Ang. Ini nga kuwarta magahalin sa intelligence fund sang ahensya kag ihatag sa “no questions asked” basis.
“Basta ikaw ‘yung nagbigay ng impormasyon leading directly to the arrest ay P10 milyon ang reward para sa kanya,” suno sa tiglikom.
Dugang niya: “Nandito pa siya [sa Pilipinas] kasi noong sabi nga ng abogado noong the day before ay kasama niya pa. Pumipirma ng mga papel bago lumabas ‘yung mga warrant of arrest a few hours later. So ang tracking namin nandito pa rin siya.”
Lakip si Ang sa 18 ka mga tawo nga gindagdagan sang warrant of arrest nga may koneksyon sa pagkadula sang mga manugbulang.
Nagapangatubang siya sang 15 counts sang kidnapping kag serious illegal detention kag four counts sang kidnapping with homicide. Yara na sa kustodiya sang kapulisan ang 17 ka iban pa nga akusado.
