Ginbawian sang kabuhi ang isa ka nobyo matapos ginpulihan kastigo kag ginbuno sang tatlo ka utod sang iya nobya sa Cagayan de Oro City.
Ang biktima nga isa ka police asset ang nag-angkon sang 22 ka pilas tuga sang pagkabuno.
Suno sa imbestigasyon, ginpatawag sang mga suspek ang biktima para hulamon ang iya nga motorsiklo kag pag-abot sa lugar, ginpulihan nila ini sa pagkastigo.
Sa hot pursuit operation sang mga pulis, naaresto ang isa ka 19-anyos nga suspek samtang padayon naman nga ginapangita ang duha niya ka utod.
Suno sa kapulisan, akig ang mga suspek sa biktima bangud ini ang ginatudlo nila nga rason kun ngaa napreso ang ila amay nga involved sa illegal drugs.
