Ginalauman nga magatambong si anay Department of Public Works and Highways (DPWH) Secretary Manuel Bonoan sa pagpadayon sang flood control probe sang Senate Blue Ribbon Committee subong nga adlaw sang Lunes.
Si Bonoan ang nagbalik sa Pilipinas kahapon nga adlaw.
Isa si Bonoan sa masobra dose ka mga tawo nga ginapanawagan sang komite kag mahimo ini ma-cite in contempt kun indi siya magtambong sa hearing.
Tutokan man sang Blue Ribbon Committee ang ginatawag nga “Cabral Files” nga ginbilin sang anay DPWH Undersecretary nga si Maria Catalina Cabral.
Suno kay Senate President Pro Tempore Panfilo Lacson, mahimo nga ang Cabral files mangin lead para sa dugang pa gid nga imbestigasyon sa anomaliya nga flood control projects.
Samtang, ginapanawagan man sang Senado sanday anay Ako Bicol Rep. Zaldy Co kag ang security aide sini nga si Orly Guteza nga ginapatihan nagadala sang mga kickback sa mga propidad nga ginapanag-iyahan ni Co kag sang anay House Speaker nga si Martin Romualdez.
Samtang, sa pihak nga bahin wala naman ginsabat ni Senado Imee Marcos kun magatambong siya sa hearing sang Senate Blue Ribbon Committee subong nga adlaw.
Ini bangud man sa tunga sang pagbayluhanay nila sang malain nga tinaga ni Senate President Pro Tempore Panfilo Lacson nga amo ang chair sang komite.
Ginaakusahan ni Marcos si Lacson nga ginapunggan sini ang minority senators sa pagtum-ok kay anay House Speaker Martin Romualdez sa pagkadalahig sini sa anomalya sa flood control funds.
