Ginturn-over sa Mandaluyong City Police Station ang lima ka mga pusil sang negosyante nga si Charlie ”Atong” Ang.
Ang pagturn-over sang mga pusil nahanungod sa revocation order sa fireaerms licenses ni Ang nga ginpaguwa sang Philippine National Police (PNP).
Suno kay acting PNP-FEO chief Police Brigadier General Jose Manalad nga isa sa mga pusil ni Ang ang nadula kag wala pa nalakip sa mga ginsumite nga armas sa awtoridad.
Suno kay Manalad dapat e-explikar sang kampo ni Ang paagi sa sulat sa PNP-FEO ang pagakadula sang pusil.
Magapabilin sa kustodiya sang Mandaluyong City Police ang mga pusil apisar kun ipasa ini sa supply accountable officer (SAO) sang PNP-FEO.
Samtang, ang PNP Criminal Investigation and Detection Group (CIDG) nagdala sang mga arrest warrant batok kay Ang sa isa sini ka farm sa Tanauan City, Batangas, nga ginapanag-iyahan apang wala siya didto.
Ginpunto man ni Interior Secretary Jonvic Remulla nga dapat pirmi may body camera ang mga pulis nga nagapatuman sang mga arrest warrant batok kay Ang.
Ini agud malikawan ang posible nga pang-abuso ukon extortion sa nasambit kaso.
