Nagpaandam ang mga health expert sa publiko batok sa influenza-like illness nga mahimo makuha bangud sa matugnaw nga klima sa pungsod nga epekto sang hanging amihan.
Gin-athag sang isa ka infectious disease health expert nga si Dr. Rontgene Solante nga ang ini nga sakit mahimo may madugay nga epekto sa lawas sang isa ka indibidwal.
Nagpaandam man ini sa makahalawa nga virus nga padayon nga naga-rason sa pagdala sa ospital sag isa ka indibidwal nahanungod sa sini nga sakit.
Gani ginpabaskog sang eksperto ang importansya sang pagpabakuna kag padayon nga ipatuman ang mga awareness initiative tungod kay seasonal ang respiratory syncytial virus (RSV) sa Pilipinas.
Ang RSV isa ka common nga rason sang respiratory infection nga mahimo magresulta sa seryoso nga sakit sa mga babies, kabataan, kag mga adult nga naga-edad 60 pataas.
Sa karon, wala pa sang bulong para sa RSV, gani mas massagid nga mapunggan ini samtang temprano pa.
