Wala sang may naga-atipan sa Malacañang, ini ang nangin pahayag ni Senadora Imee Marcos matapos magpagwa sang pahayag si Palace Press Officer Claire Castro nga ginpaidalom sa medical observation ang iya utod nga si President Ferdinand “Bongbong” Marcos Jr.
Sa isa ka video sa Facebook, ginpahayag sang senadora nga posible nga magalala ang kahimtangan sang iya utod bangud wala sang may naga-atipan sa iya sang insakto.
Nagpahanumdum man ini sa Presidente nga unahon ang iya ikaayong lawas kag likawan ang mga tawo nga nagapastress sa iya sa Palasyo nga wala man sini ginhingadlan kun sin-o.
Gilayon naman nga naghatag sang pahayag ang Malacañang sa mensahe sang senadora nga suno sa ila indi dapat magpaka-insincere si Sen Imee kag indi man dapat himuon nga comedy ang kahimtangan sang Presidente.
Dugang pa ni Castro, indi magpakaplastik ang Senadora sa mata sang kadam-an.
