Ginakondenar sang Malacañang ang fake nga medical document nga nagalapta online kaangot sa kahimtangan sang ikaayong lawas ni Presidente Ferdinand “Bongbong” Marcos Jr.
Ginpahayag sang Presidential Communications Office (PCO) nga “ginhimo-himo lang ukon isa ka malisyoso” nga alegasyon ang ginapalapta sa social media.
Ginasiguro man sang opisina nga ang Presidente maayo ang lawas, fully capable sa paghimo sang iya mga obligasyon, kag wala sang direkta nga problema sa iya ikaayong lawas.
Ginkumpirmar man sang St. Luke’s Medical Center nga ang dokumento peke, kag ila man ginpahayag nga ang impormasyon sang ila mga pasyente ang pribado ukon confidential.
Sa karon ang Presidente yara sa idalom sang obserbasyon bangud sa diverticulitis kag ila man gin-athag nga wala sang kamatuoran ang nagalapta nga mga balita nga kinahanglan sini sang operasyon.
Samtang gin-athag man ni Palace Press Officer Claire Castro nga indi life threatening ang kondisyon sang Presidente.
Iya man gin-athag nga wala sang medical bulletin nga ipaguwa kag indi pwede nga maghatag sang impormasyon ang sin-o man nga doktor sang ospital kundi ang personal lamang nga doctor sang Presidente.
