Ginhatagan sang Appeals Chamber sang International Criminal Court ang kampo ni anay President Rodrigo Duterte sang tubtub sa Pebrero 5, 2026 agud maka-file sang apela batok sa desisyon nahanungod sa iya detensyon.
Ini matapos magpasa ang kampo sini sang notice sa ICC Appeals Chamber nga nagapangayo nga baliskadon ang desisyon sang Pre-Trial Chamber I nga padayunon ang detensyon sa former president.
Sa anum ka pahina nga dokumento nga napetsahan sang Enero 28, nag-hingyo ang team ni Duterte sang immediate interim release sa idalom sang mga kondisyon nga gin-provide sang state party.
Nahibaluan nga nagapangatubang si Duterte sang mga kaso nga crimes against humanity sa ICC, lakip na diri ang pagpangpatay sini sa mga naangot sa kampanya sini kontra iligal nga droga sang siya pa ang Presidente sa Pilipinas kag alkalde sang Davao City.
Sa karon na-detain ang anay Presidente sa penitentiary sa The Hague, Netherlands.
Suno naman kay Atty. Kristina Conti, Assistant to Counsel sang ICC, kumpyansa siya nga indi na pagbaliskaron sang ICC ang nauna nga desisyon sini nga fit si Duterte nga mag-atubang sa pre-trial proceedings.
Gin-schedule sang chamber nga mag-umpisa ang confirmation of charges hearing sa masunod nga bulan.
