Nagaplano ang kadam-an sa senado nga himuon nga Senate President si Senator Loren Legarda bag-o matapos ang 20th Congress.
Suno kay Senate President Vicente Sotto III nga wala sang kasugtanan nga tung-on ang termino para sa Senate Presidency apang ginbunyag sini nga plano sang kadam-an nga himuon ini nga Senate President bag-o matapos ang 20th Congress si Legarda.
Ang 20th Congress magatapos sa Hunyo 30, 2028 kag sin-o man nga senador nga makakuha sang 13 ka boto mangin Senate President.
Sa natabo sa plenary session sang Senado kahapon nga adlaw nag-adjourn ang sesyon nga si Legarda ang nagdumala kag gintawag siya ni Senate Majority Leader Miguel Zubiri nga “Madame President.”
Ini natabo matapos ang malawig nga break sa plenary session kag kadungan man sa nagapadayon nga huring huring nga plano nga coup sa Senado.
Sang nag-resume na ang sesyon, nagbulos sa floor si Zubiri samtang si Legarda naman ang nagpwesto sa podium nga pirme ginahamtangan nanday Senate President Vicente Sotto III ukon Senate President Pro Tempore Panfilo Lacson bilang presiding officer.
Samtang, nagpost naman si Sen. Francis Pangilinan sang ila laragway kaupod sanday Legarda, Zubiri, Sotto, Lacson, kag mga senador nga sanday JV Ejercito, Win Gatchalian, Bam Aquino kag Risa Hontiveros nga nagahatagay sang pagkaon sa isa ka conference room.
Ginbutangan man sini sang caption nga ”#Powersharing.”
Sang ginpamangkot kun matuod ini nagsabat lamang si Sen. Pangilinan nga ”joke lang ato.”
Samtang, suno naman kay Senator JV Ejercito nga nagka-tyempo lang sila nga maka-estoryahanay nga gintawag sini nga lounge talk lamang kag wala sang formal talk nahanungod diri.
Suno kay Sotto ang kadam-an permi ang nagadesisyon sa liderato kag suno sa iya nga permi ini ongoing.
Dugang pa sini nga ginbalibadan man ni Legarda ang ini nga posisyon.
