Gindepensahan ni Department of Interior and Local Government Secretary Jonvic Remulla ang mga local officials sa Kalayaan, Palawan matapos nga gin-ban ang mga ini nga magkadto sa China bilang balos sang Beijing sa resolusyon sang Sangguniang Bayan sang Kalayaan nga nagadeklara sa ambassador sang China bilang persona non grata.
Gindumilian sang China ang 16 ka opisyal sang munisipyo sang Kalayaan nga magkadto sa mainland China, HongKong kag Macau.
Suno sa tiglikom nga parte sang teritoryo sang kadagatan sang Pilipinas ang Kalayaan Group of Islands kag masobra isa ka siglo na ini nga gina-estaran sang mga Pilipino.
Gindugang pa sini nga bisitahon man sini ang lugar para pabaskugon ang soberanya sang pungsod.
Nahibaluan nga ang nasambit nga lugar makit-an sa West Philippine Sea kag may ara ini sang masobra 400 ka mga residente.
Samtang, nagpanawagan naman si DFA Maritime Affairs Spokesperson Rogelio Villanueva sa China sang malinong kag propesyonal nga pag-istoryahanay agud indi maguba ang relasyon sang Pilipinas kag China.
