Ginpasugtan na sang International Criminal Court (ICC) ang ginapangabay sang kampo ni anay President Rodrigo Duterte kag amo man sang prosecution nga magdugang sang bag-o nga ebidenysa masobra isa ka semana antes ang confirmation of charges hearing sa Pebrero 23.
Sa apat ka pahina sang desisyon sang ICC Pre-Trial Chamber 1 nga may petsa nga Pebrero 10, ginmanduan sang ICC Pre-Trial Chamber 1 ang depensa kag ang prosecution nga magsumite sang bag-o nga ebidensya tubtob sa Pebrero 13.
Nahibaluan nga una nga ginpangayo sang legal team sang anay presidente halin sa ICC nga magdugang sang 78 ka mga panibag-o nga ebidensya nga pagadal-on sa confirmation of charges.
Wala naman ini gin-kontra sang prosecution gani ginpasugtan na lamang sang ICC.
Samtang sa bahin sang prosecution, nagpangabay man ini sa chambers sang dugang nga duwa ka mga panibag-o nga ebidensya kun sa diin nagpasugot man ang kampo sang depensa.
Nadala man diri ang Common Legal Representatives of Victims (CLRV) nga wala ginkontra ang pangabay sang depensa kag prosecution nga magdugang sang mga ebidensya.
Ang nasambit nga mando ginpaguwa matapos ang pila ka adlaw bag-o ang patigayunn nga confirmation of charges batok sa anay Presidente sang pungsod halin Pebrero 23 tubtob 27.
Nahibaluan nga sa karon yara sa facility center sang ICC ang 80-anyos nga si Duterte bangud sa ginapangatubang sini nga crime against humanity charges kaangot sa anti-drug operation sini sang siya pa ang alkalde sang Davao kag Presidente sang Pilipinas.
