Ginpasaka ang petition for indirect contempt batok kay Senate President Vicente “Tito” Sotto III sa Korte Suprema kasunod sang nangin komento sini sa impeachment complaint batok kay Vice President Sara Duterte.

Ang nag-file sang petisyon amo ang mga abogado nga sanday Manuelito Luna, Ferdinand Topacio, kag Harold Respicio. Suportado sila ni ex-congressman Jing Paras nga anay Presidential Adviser on Political Affairs ni former President Rodrigo Duterte.

“Para po sa amin ay ‘yun pong public statements ni SP Sotto, all due respect to him, ay lumalampas na po sa legitimate commentary at ito po ay nag ta-transgress na into the territory of statements that tend to… destroy the credibility, undermine the faith of the people in the SC,” suno kay Topacio.

Dugang niya: “Hindi po ito para patahimikin si Senate President Sotto katulad ng sinasabi ng iba. He’s free to say what he wants basta ito po ay hindi bumabalangkas sa Rules on Contempt and what is permissible na sabihin.”

Matandaan nga sang nagligad nga bulan, nagdesisyon ang Korte Suprema nga palig-unon pa ukon i-uphold ang nauna nga desisyon sini nga nagadeklarar nga unconstitutional ang impeachment sang Kamara batok sa bise-presidente. Nagdesisyon ang en banc sang may pinalidad nga ginabasura sini ang motion for reconsideration nga ginpasaka sang lower chamber.

Nagkomento naman si Sotto nga isa na ka imposible nga handum ang impeachment batok kay Duterte.

Pahayag pa sini, ang ruling sang Korte Suprema ang maathag nga pagsulod ukon pagpahilabot sa gahum sang legislative branch. Sa amo nga desisyon suno sa iya, naghimo ang Supreme Court sang bag-o nga pagsulundan nga sundon sang Kongreso kun may impeachment.

“The decision is a clear judicial legislation. The SC, as written in their decision, admitted of introducing a rule for Congress to follow in the conduct of impeachment. A clear encroachment on the power of the Legislative branch, as provided for by the Constitution,” suno pa anay sa Senate President.#

RELATED ARTICLESMORE FROM AUTHOR