Ginalantaw sang Department of Education (DepEd) ang pagpahamtang sang trimester system para sa academic year 2026-2027.
Kabahin ini sang “holistic approach” sa balanse nga pagdumala sang oras para sa mga estudyante kag nagahatag man ini sang mas flexible nga pamagi sa kalidad nga pagtudlo.
Ang trimester system pagatung-on ang 201 nga mga inadlaw sa tatlo ka termino, kun sa diin ang kada termino may ginpili nga mga leksyon kag buluhaton para sa mga estudyante.
Ang una nga termino pagahiwaton halin Hunyo tubtob Setyembre, sunod ang ikaduha nga termino halin Setyembre tubtob Disyembre, kag ang katapusan nga termino halin Enero tubtob Marso.
Ginpahayag man sang DepEd nga magapagwa pa sila sang policy guidelines nahanungod sa trimester calendar sa masunod nga mga inadlaw.
Samtang, ginaduso man sang ahensya ang “low-disruption alternatives,” kun sa diin ang mga selebrasyon mahimo nga i-integrate sa actual outputs sang klase imbes nga bulagon ang programa nga nagaperwisyo sa pagtuon sang mga estudyante.
