Patay ang isa ka babaye nga manunudlo samtang pilason naman ang iya nobyo matapos nga nagbunggo ang ila ginasakyan nga motorsiklo sa isa ka kotse sa Calamba, Laguna.
Ang napatay amo si Crislyn Paro, 27-anyos, nagatudlo sa Liceo de Calamba, kag residente sang Palingon, Calamba City.
Ang pilason nga nobyo amo si Miguel Ocampo, 26-anyos.
Base sa imbestigasyon, samtang nagadalagan ang motorsiklo, hinali lang nga nagtabok ang isa ka kotse sa interseksyon rason nga natabo ang bungguanay.
Sa kabaskog sang bungguanay, nagtabog gid ang duha ka biktima kag naglampos sa semento.
Nagtabog man ang suksok nga helmet sang duha bangud sa impact.
Natalana kuntani nga kaslon ang duha sa Abril 21.
Yara na sa kustodiya sang kapulisan ang 32-anyos nga driver sang kotse kag mangatubang sang kaso nga reckless imprudence resulting in homicide, physical injuries kag damage to property.
