Nagpanawagan si Lingayen-Dagupan Archbishop Socrates sa International Criminal Court (ICC) kag sa gobyerno sang Pilipinas nga ihatag ang hustisya kag pasabton ang mga tawo nga responsable sa pagpamatay kag mga krimen.
Kadungan ini sang misa sa National Shrine of Mary, Queen of Peace, Our Lady of EDSA (EDSA Shrine) bilang pagkomemorar kahapon sang 40th anniversary sang EDSA People Power Revolution.
Ginlaragway man niya nga depektibo kag palpak ang justice system sang pungsod.
Pangabay sini sa ICC, silutan ang mga murderers sang drug users nga nagpatay sa moralidad sang pungsod.
Mensahe naman sini sa Independent Commission for Infrastructure, nga natak-an na sang hulat ang mga Pilipino sa resulta sang imbestigasyon sa mga flood control scams.
Ginsita man sini ang mga government officials nga nagapamalabag sa impeachment proceedings kag ginhambalan nga mag-resign na lang.
Ginkondenar man sini ang mga Filipino sa pag-justify sa mga pagpamatay sang panahon sang drug war sang Duterte administration.
Nangabay naman ini sa mga pamatan-on nga mangin bag-o nga santo sang EDSA kag mangin kritikal sa pagpili sang ila mga lideres.
