Napa-throwback si Senior House Deputy Majority Leader kag Iloilo Third District Representative Lorenz “Nonoy” Defensor sang pictures sang campaign rally ni former Vice President kag subong Naga City Mayor Leni Robredo sang 2022 presidential elections.

Kuha ang mga laragway sang nagpangampanya si Robrero sa Iloilo City.

Isa si Defensor sa mga opisyal sa Iloilo nga nagsuporta kay Robredo sa amo nga presidential run.

“Look at us, Iloilo. If we did it four years ago, we are ready to do it all over again,” caption sang kongresista sa iya nga post nga naka-tag pa kay Robredo.

Positibo naman nga mga komento ang ginbilin sa post sang mamalidha, kag may iban nga nagapamangkot kag nag-share nga may caption kun “sign” ukon “hint” na bala ang ginahatag sini ilabi na nga gina-istoryahan na ang 2028 elections.

Myembro si Defensor sang National Unity Party ukon NUP.

Sang nagligad nga adlaw, nagpaguwa ang NUP sang statement nga pirmado sang ila secretary general nga si Reginald Velasco nga indi magboto ang ila partido pabor sa impeachment complaint batok kay Vice President Sara Duterte, bangud wala sang nakit-an nga bag-o nga ebidensya nga gin-presentar sa apat ka bag-o nga complaints nga gin-file sa Kamara.

Naghatag naman sang iya paathag si Defensor nga indi sini pag-ilisan ang iya pagpanindugan sa impeachment batok sa vice president apisar sang statement sang NUP.

“As a prosecutor, I said I will maintain my position that if the evidence during the previous impeachment, especially the evidence on betrayal of public trust [is present in the complaints], I will not take back my previous vote during the previous impeachment,” kabahin sang nangin statement sang kongresista.“For as long as the allegation that the vice president has contracted an assassin to kill the president [is there], there will always be betrayal of public trust, and betrayal of public trust is an impeachable offense under the 1987 constitution,” dugang sini.#

RELATED ARTICLESMORE FROM AUTHOR