Nagpaandam ang grupo sang Philippine exporters nga magatimbuok ang presyo sang gatong amo man ang balayran sa shipping pananglitan magdaku pa ang tension sa Middle East.
Suno sa Philippine Exporters Confederation Inc. (Philexport), ang pagsaka sa presyo sang produktong-petrolyo kag ang disruptions sa ruta sang aircraft kag barko nga nagakarga sang exports amo ang duha sa nagapangina nga risgo dala sini nga tension sa tunga sang US, Israel, kag Iran.
Vulnerable ang Pilipinas sa fuel price hikes suno sa grupo, kag nagakahulugan ini nga magasaka man ang balayran sang exporters para sa produksyon, pagbyahe, kag logistics.
“Past tensions in the region have already led to higher freight and security surcharges and could again constrain trade flows and tourism, further dampening demand in major export destinations,” suno pa sa grupo.
Gindugang man sang grupo nga ang posible nga kinahanglan magpasaka sang shipping rates amo ang export sectors kaangay sang electronics, garments, processed food, kag furniture.
Magluwas diri, may posible nga saka man sa insurance premiums kag mas malawig nga transit times bangud lainon na naman ang alagyan ukon ruta sang mga barko.
Nagpangabay naman ang Philexport sa gobyerno nga i-monitor gid ang developments kag maghimo dayon sang mga tikang nga maproteksyunan ang exporters sa possible nga disruptions.
“The organization likewise calls on exporters to review supply chains, hedge against cost volatility where possible, and explore alternative routes and markets,” dugang sa ila nga statement.
Matandaan nga nagtingob-pwersa ang US kag Israel sa pagbomba sa Iran nga nagpatay sa ila Supreme Leader. Nagbalos ang Tehran kag ginbombahan ang US bases sa Middle East.#
