Gin-aresto sang Economic and Cyber Crimes Department sang Qatar ang halos yara sa 200 ka mga indibidwal bangud sa pagkuha sang video kag pag-post sa social media sang mga missile attacks sang Iran.
Ini sa tunga sang nagapadayon nga kinagamo sa Middle East.
Suno kay Bombo Joseph Rivera, international correspondent sa Qatar, sa 194 nga mga arestado, wala pa sang impormasyon kun may nalakip nga mga Pilipino.
Nahibaluan nga sulit-sulit ang pahanumdom sang Qatari Authorities sa publiko nga likawan ang pagkuha sang video nga nagaunod sang mga sensitibo nga eksena, likawan ang pagpalapta sang fake news kag kinahanglan nga i- secure nga ang mga impormasyon ang halin mismo sa mga official sources.
