Arestado ang 194 ka mga indibidwal sa Qatar, matapos nga nagpalapta ang mga ini sang video clips kag sala nga mga impormasyon nahanungod sa sitwasyon kag nagakalatabo sa sulod sang nasambit nga pungsod bangud man sa nagapadayun nga gyera sa Middle East.
Sa interview sang Bombo Radyo kay Bombo Joseph Rivera, international correspondent sa Qatar, iya ginpahayag nga wala pa sang kumpirmasyon kun may ara sang mga Pilipino sa nasambit nga mga naaresto.
Ang pag-aresto amo ang ginpatigayon sang Economic and Cyber Crimes Combating Department sa idalom sang General Directorate of Criminal Investigation.
Suno kay Rivera, liwat-liwat nga nagapahanumdom ang Qatari Authorities nga likawan gid ang paglapta sang mga indi pa kumpirmado nga detalye sa tunga sang tension.
Dugang pa niya bilang isa ka lider sang Filipino community sa Qatar, nagpahanumdom ini sa mga Pinoy ilabi na sa mga content creators nga likawan ang pagpost sang mga sensitibo nga mga video.
